公視新聞網 https://news.pts.org.tw/article/727700 新化備辦年貨街仔 擔格仔租金貴1倍引不滿 發布時間：2024-12-06 19:15 更新時間：2024-12-06 22:46 https://www.youtube.com/watch?v=ZjdlN5hYZZo 臺南新化的年貨老街，袂少人會來遮款貨。進前店家收著通知，講若欲參與明（2025）年 的排擔，就愛納7千2的費用、水電錢另外算。租金並進前是貴一倍。經發局表示，主要是 因為排擔是商業行為，明年開始就愛使用者付費。（新聞標題、導言及內文皆為臺語文） 新化老街規排巴洛克式的立體建築，總是唌遊客來遮行踏欣賞，尤其過年過節時人攏插插 插來遮款年貨，不而過這馬這張公告單予店家氣怫怫，怹批評明年若欲佇新化年貨老街排 擔，就愛納七千二閣無包括水電，實在傷譀，並往過租金三千五差真濟，真濟在地業者無 法度接受，甚至無願意參加。 在地店頭：「進前3冬前攏外包，外包價數本底就較懸。較早6工就愛3千6，這馬變7千2， 差傷濟。你講物價起價嘛無差遮濟。」 在地店頭：「對擔頭來講福利嘛較bái，租金嘛並以往貴一倍。（敢足濟店家攏有反應？ ）足濟、足濟。」 新化年貨街仔到今辦14冬，在地民代認為這陣走精去矣，往過活動攏會辦到二九暝的前一 工，明年煞安排到過年的前一禮拜爾。另外，對一開始經費400萬到尾手無半項預算，這 陣排擔租金閣起價。經發局回應，經費並無減少，只是排擔是營業性質，才會調整做法。 臺南市議員 余柷青：「其實彼毋是補助怹（擔頭），你辦這一个活動需要有舞台、需要 有主持人、需要周邊串聯的活動落去做。這馬的經發局根本舞無清楚，阮一開始欲辦年貨 大街的目標是啥物。」 臺南市經發局副局長 蕭富仁：「針對擔頭的部份，採用自負盈虧、使用者付費原則。擔 頭需要家己負擔，擔位設施、清潔、水電、交管等成本費用。」 經發局堅持招商擔位等等費用愛業者家己負擔，經費後續會開佇舞台、活動規畫行銷頂面 ，這陣地方猶原無共識，怹嘛喝聲望市府恢復較早的模式，達成雙贏的局面。 記者 李晨宇 臺南採訪報導 唐嘉良/編輯 -- ※ 發信站: 批踢踢實業坊(ptt-website.tw), 來自: 111.255.108.234 (臺灣) ※ 文章網址: https://ptt-website.tw/Gossiping/M.1733497112.A.D3E