https://news.pts.org.tw/article/697707 駁二展出經典báng-gà 重現早期尪仔冊店氣氛 發布時間:2024-05-30 19:15 更新時間:2024-05-31 08:29 鍾依憓 邱紹揚 / 高雄報導 租冊店內面的báng-gà是真濟人做學生時代的記持,高雄駁二上新的展覽,「你兜轉彎開一 間báng-gà店」,展覽就模擬早期租冊店的氣氛, 民眾轉到青春年少的學生時代。 來到駁二的展區,有濟濟無仝風格的báng-gà,內容對同婚議題,早期女性的悲哀故事到民 間傳說攏有,你兜轉彎開一間báng-gà店的展覽,重現過去租冊店的氛圍,現場也有五位臺 灣現代的漫畫家創作的短篇báng-gà,民眾通借來看,題材有奇幻、冒險等等的故事,親像 這本「半碟琉璃夢」,是畫出作者的囡仔時代的代誌,向望逐家愛珍惜。 漫畫家小島,「足濟老厝攏予人拆掉,阮對較舊的物件,其實無遮爾珍惜,所以我其實是足 煩惱,可能閣過五年十年,這間厝就無去。」 漫畫家阮光明,「慢慢 (外國人)才對遐開始看故事,才知影講,這原來臺灣的故事佮日本 無啥仝,(báng-gà)臺灣這馬議題足濟,那陣228嘛有、日本時代嘛有,一寡在地生活愈來愈 濟。」 1990到2000年是台灣租冊店發展上好的時期,那个時陣租冊店就有一區攏是限制級的báng-g à,這改的展覽二樓也特別一區,展出臺灣經典絕版的作品,閣有猶未出版的限制級báng-gà 的手繪稿,予逐家會當重新回憶。 策展人陳青琳,「打造一間,怪奇之閣的珍藏館,內面有分享足濟伊絕版的作品,閣有足珍 貴1960年代,陳世雄老師鬼頭猶未出版的手稿,這改展覽看著臺灣báng-gà。」 這馬奢颺發展的性命力量 漫畫家表示講,這馬實體的租冊店是漸漸稀微,顛倒是網路圖文較受歡迎,目前臺灣的báng -gà嘛會外銷到歐美國家,也期盼有新的出路。這个展覽一直到11月底,向望予逐家通了解 臺灣báng-gà的文化。 -- ※ 發信站: 批踢踢實業坊(ptt-website.tw), 來自: 1.200.74.31 (臺灣) ※ 文章網址: https://ptt-website.tw/Marginalman/M.1717117277.A.BA7
DJYOSHITAKA: Cheese gû11-bah30 croissant. 05/31 09:02
medama: 一樓那篇有印象 笑死 05/31 09:03
SOSxSSS: 什麼鬼臭甲 05/31 09:05