https://news.pts.org.tw/article/703563 行政院2022年核定國家語言整體發展方案，按算2026年欲達成客語、原住民語、台語攏總5 萬戶的母語家庭，其中台語家庭占4萬戶。毋過到進是一直無提出實際的規畫，引起外界質 疑。今文化部總算提出書面回應，拍算會用培訓課程、補助共學團的方式來推動。毋過母語 團體猶是認為無夠詳細。 為著欲予本土的國家語言通久長傳承落去，根據行政院「國家語言整體發展方案」，文化部 按算自2022年到2026年中間欲達成台語家庭4萬戶的目標，關注這个議題的民進黨立委張雅 琳佇今年三月要求文化部趕緊提出實際做法，今文化部總算有書面回應，表示欲分做「台語 學習家庭」佮「台語文化家庭」兩種。 民進黨立委 張雅琳 伊就是有分學習家庭是入門的 可能伊的台語無講足輾轉的 文化家庭就是 的台語較輾轉的 所以 攏是愛申請的 攏是愛申請攏愛登記按呢 攏愛去上一寡課來累積點數 才有法度來認證 伊到底是學習家庭咧抑是文化家庭 針對「台語學習家庭」，文化部向望透過送台語意識培訓的禮包和上課累積點數的方式，來 予「無台語意識」的家庭轉變做「有意識」去推動台語的傳承。立委張雅琳指出遮的做法猶 無夠，應當愛共整體的台語資源攏規畫入去。 民進黨立委 張雅琳 小朋友看的bàng-gà配音 bàng-gà的節目內底應該愛有台語的部份 因為這是創造一个大的環境 無你講這个大禮包我是感覺講 因為你無彼个 人為什麼愛去學一個東西 一定有一个刺激嘛 我有這个刺激來的時陣 你就想講 開始會曉想 一直接觸一直接觸的時陣 才開始有這个意識 另外，佇咧台語文化家庭的部份，文化部的規畫是拍算欲用補助共學團的方式，予台語家庭 來申請，進一步促進台語社區的產生。長期咧經營台語共學團的台灣台語路協會表示，欲招 共學上大的困境就是 揣著免費的空間。 台灣台語路協會理事長 董力玄 親像客語 有足濟客家文化園區 彼若是客語的團體去借 就是會使免費抑是講會使拍折 但是台語目前就是攏無按呢的所在 咱目前全台灣就干焦 彰化有一个台語的文化園區爾 另外，協會嘛呼籲文化部，若欲規畫相關的台語意識培訓課程、抑是台語的相關活動，第一 線的執行單位嘛應當愛接受台語意識的訓練，對語言的傳承、復振佮使命感攏愛有了解，予 提台語補助的活動，有一定的品質要求。 -- ※ 發信站: 批踢踢實業坊(ptt-website.tw), 來自: 1.200.168.68 (臺灣) ※ 文章網址: https://ptt-website.tw/Marginalman/M.1720264067.A.889

推 sustainer123: 三小白痴東西 07/06 19:08

→ amsmsk: 用台文嗎 07/06 19:09